【腕錶小知識】手錶戴得舒適美觀有得計?

想要手錶佩戴體驗好,除左要注意手錶嘅性能同埋設計風格之外,更加需要留心錶面對自己嚟講係咪合適嘅大小,太大會顯得纍贅,太細又會令手腕露出嘅面積過多,冇辦法最有效咁發揮腕錶作爲飾品嘅作用…連佩戴手錶嘅時候錶帶嘅鬆緊程度都可能會影響到觀感,甚至係手錶嘅壽命!不過唔洗驚,等WatchViva教精你點樣可以戴手錶戴得最舒服、最好睇啦!

錶面大細都有公式可以計?!

冇錯係呀!只要跟住以下計算步驟,你就可以以自己手腕粗幼計算出你想買嘅手錶嘅錶面大細係咪最適合你佩戴:

1. 用軟尺量度自己手腕尺寸

2. 從產品訊息知道錶面大細

3. 套用算式:手腕尺寸÷錶面大細 如果你計算得出嘅結果喺4同5之間,咁呢隻手錶就係用有最適合你佩戴嘅錶面大小嘅設計啦!計算所得嘅數字越小即係代表手錶過大嘅程度越大——不過都唔好俾呢個數字限制住你,如果你鍾意特殊啲嘅款式(例如oversize),就當係一個參考因素,買手錶最緊要都係啱自己心水啫!

點先至係最好嘅手錶佩戴方式? 好多人都對手錶錶帶應該調節到幾緊先啱有所疑問,小編歸納咗三種情形俾大家作參考:

正式場合

如果係正式場合,例如商務場合,錶帶切忌戴得過鬆,最理想嘅戴法係令手錶可以卡正喺手腕關節後方,位置固定置中,令手錶唔會隨手部動作搖晃,比較貼身嘅戴法令你整體形象更爲幹練,令人覺得你重視場合,展露出你嚴謹、莊重得體嘅一面。

休閑場合

日常佩戴嘅時候首要考慮嘅就係你自己佩戴嘅主觀感覺,唔需要注意手錶會唔會甩嚟甩去,當然如果你係去做運動最好都係調整翻緊少少,以免做大幅度動作嘅時候傷到隻錶啦,作爲參考,錶帶差唔多係一隻小指嘅厚度嘅話就係佩戴體驗最舒適嘅戴法。

注重手錶保養

一般如果手錶底蓋帶有鐫刻圖案嘅話,除低手錶之後有淡淡嘅壓痕先至係標準嘅帶法,呢種戴法可以減低手錶收到碰撞嘅機會,有更加好嘅避震效果,從而令手錶更爲「長壽」。

以上三種戴法其實都係俾大家一個參考,實際上,每個人佩戴手錶嘅感覺都唔一樣,只要自己戴得舒服就係對你嚟講最合適嘅佩戴方式!Watchviva搜羅多款精美又便於携帶嘅手錶款式,未揾到一款戴得最靚最舒服嘅腕錶?咁就快啲睇吓呢度有冇一款適合你啦!

立即登錄WatchViva創造你的個人品味! 輸入優惠碼”vivalife”,即可享有額外折上折4%優惠。

主頁

#藝術 #時尚 #情侶手錶 #情侶手錶推薦 #錶面大小 #錶帶鬆緊 #watch #手錶 #禮物 #驚喜 #窩心 #舒適美觀 #手錶佩戴方法

發佈留言

發佈留言必須填寫的電子郵件地址不會公開。 必填欄位標示為 *

WhatsApp WhatsApp 落單